გარდაიცვალა ქალი, რომელიც დღეს დილით იოსებიძის ქუჩაზე კორპუსიდან გადმოვარდა. კორპუსს ხანძარი ეკიდა.
ინფორმაცია ნეტგაზეთს ხეჩინაშვილის კლინიკაში დაუდასტურეს. მათივე ინფორმაციით, ქალი შემოყვანისთანავე მალე გარდაიცვალა – „ჰქონდა სიცოცხლესთან შეუსაბამო ტრავმები“.
ხანძარი იოსებიძის ქუჩაზე მეხანძრეებმა დღეს დილით ჩააქრეს. ამავე კორპუსიდან მეხანძრეებმა რამდენიმე მცხოვრებელი გამოიყვაეს, მათ შორის, რამდენიმე ბავშვი.
ადგილზე მისული სახანძრო-სამაშველო ჯგუფების გადმოცემით, ცეცხლი მე-5 სართულზე გაჩნდა, რამაც ხანძრის ზედა სართულებზე გავრცელება გამოიწვია. ამ დროისთვის ხანძარი ლიკვიდირებულია.
