“ლეიბორისტული პარტიის” ლიდერის, შალვა ნათელაშვილის თქმით, პარლამენტში შესულმა ოპოზიციამ “ქართული ოცნების” ხელისუფლება “დამხობას” გადაარჩინა. ამის შესახებ მან “ტვ პირველის” გადაცემა “რეაქციის” ეთერში ისაუბრა.

“ქოცები ვერ გაუკეთებდნენ ივანიშვილს იმ სიკეთეს, რაც ამათ გაუკეთეს. გადაარჩინეს, ემხობოდა რეჟიმი. მალე [ენტონი] ბლინკენი და [ჯო] ბაიდენი გამოვიდოდნენ და ეტყოდნენ, დანიშნე ახალი არჩევნები, შე შობელძაღლოო. დაახლოებით ასე, ქართულად რომ ვთქვათ”, — თქვა მან.

ნათელაშვილმა ოპოზიციის ეს ნაწილი “ქოცებად” მოიხსენია. მათ შორის, მან დაასახელა “ლელო”, “სტრატეგია აღმაშენებელი”, “გირჩი” და ალეკო ელისაშვილი.

ამავე გადაცემაში ნათელაშვილმა ამომრჩეველი გააკრიტიკა და თქვა, რომ საქართველოს საზოგადოების 80%-სგან “არაფერი გამოვა”.

საზოგადოების 80% არის ყველა უბედურების სათავე… მათგან არაფერი გამოვა — ნათელაშვილი