ნეტგაზეთი | ცხინვალში რუსული “სპუტნიკით” ვაქცინაცია დაიწყო ცხინვალში რუსული “სპუტნიკით” ვაქცინაცია დაიწყო – Netgazeti
RU | GE  
«Спутник V» რუსული ვაქცინა; ფოტო: ria.ru

ცხინვალში რუსული “სპუტნიკით” ვაქცინაცია დაიწყო

დღეს, 4 მაისს, სამხრეთ ოსეთის დე ფაქტო რესპუბლიკაში კორონავირუსის წინააღმდეგ რუსული  “სპუტნიკით” ვაქცინაცია დაიწყო.

ოსური მედიის ცნობით, პირველი ადამიანი, ვინც ვაქცინა გაიკეთა, ჟურნალისტი კოსტა კოშტეა.

სააგენტო რეს-ის ცნობითვე, ვაქცინაციის ყველა მსურველს ექიმები უმოწმებენ სატურაციას, წნევას, ერთი დღით ადრე კი  ყველა საჭირო კვლევას გადიან.

როგორც ჯანდაცვის უწყების წარმომადგენელი, ექიმი თამარ სანაკოევა ამბობს, ოცი მსურველი ადამიანიდან მხოლოდ 6-ს არ აღმოაჩნდა ანტისხეულები, შესაბამისად, მხოლოდ 6-ს აცრიან.

სამხრეთ ოსეთში ვაქცინის გაკეთება შეუზღუდავად შეუძლია 18 წელს ზემოთ ყველა მოქალაქეს, თუმცა, პირველ რიგში, ოფიციალური ცნობით, აცრიან სამედიცინო პერსონალსა და განათლების სფეროში მომუშავე ადამიანებს.

კორონავირუსის საწინააღმდეგო ვაქცინის, სპუტნიკს V-ის 6500 დოზა ჩაიტანეს აფხაზეთშიც.

რუსეთმა სოხუმს 6500 ვაქცინა გადასცა

 

 

ნეტგაზეთის მასალების სხვა გამოცემებში გადაბეჭდვის წესი
ავტორი