ნეტგაზეთი | გორის რაიონში 13 წლის გოგომ იმშობიარა გორის რაიონში 13 წლის გოგომ იმშობიარა – Netgazeti
RU | GE  

გორის რაიონში 13 წლის გოგომ იმშობიარა

გორის რაიონის ერთ-ერთ სოფელში 13 წლის გოგომ ბავშვი გააჩინა. ამ საქმეზე ერთი პირია დაკავებული.

ინფორმაცია ნეტგაზეთს შსს-ში დაუდასტურეს, სადაც გვითხრეს, რომ გამოძიება 140-ე მუხლით დაიწყო. სისხლის სამართლის 140-ე მუხლი სექსუალური ხასიათის შეღწევას გულისხმობს თექვსმეტი წლის ასაკის მიუღწეველის სხეულში. პირი კი თებერვალში დააკავეს.

ამ თემაზე ნეტგაზეთს წყარო უყვება, რომ სოფელში მომხდარის შესახებ იციან, დაკავებული ოჯახის ნაცნობი იყო, ძალადობას კი მაშინ მოხდა, როდესაც გოგო 12 წლის იყო. მათივე ინფორმაციით, მოზარდმა ბავშვი დაახლოებით გასული წლის ზაფხულის პერიოდისთვის გააჩინა.

ნეტგაზეთს სახელმწიფო ზრუნვის სააგენტოში უთხრეს, რომ ამ ეტაპზე გოგო და მისი ახლად დაბადებული შვილი სახელმწიფო ზრუნვის სერვისშია შეყვანილი.

„სააგენტო შეტყობინების შემოსვლისთანავე ჩაერთო აღნიშნულ საქმეში. მცირეწლოვანი და მისი ახლად დაბადებული შვილი შეყვანილია სახელმწიფო ზრუნვის სააგენტოს სერვისში. მათ შორის საქმეში ჩაერთო სოციალური მუშაკი და ფსიქოლოგი. ყველა საჭირო ღონისძიება გატარებულია იმ წუთიდანვე, როცა მომართვა შემოვიდა პოლიციიდან. გამოძიება მიმდინარეობს და ვთანამშრომლობთ გამოძიებასთან“, – ნათქვამია უწყების განცხადებაში.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან