გარემოსდაცვითი ზედამხედველობის დეპარტამენტის თანამშრომლებმა პოლიეთილენის პარკების მწარმოებელი 32 ობიექტი შეამოწმეს და 1 493 490 ერთეული პარკი დალუქეს. უწყების თანახმად, ინსპექტირება განხორციელდა როგორც თბილისში, ისე რეგიონებში.
“ინსპექტირების შედეგად, კომპანიების მხრიდან, პლასტიკისა და ბიოდეგრადირებადი პარკების წარმოების ტექნიკური რეგლამენტის დარღვევის ფაქტები გამოვლინდა”, – ნათქვამია პრესრელიზში.
დეპარტამენტის განცხადებით, მასალები, შემდგომი რეაგირების მიზნით, “შესაბამის უწყებაში გაიგზავნება”.
“ინსპექტირების მიზანია, პლასტიკის პარკები საცალო ქსელში არ მოხვდეს და, შესაბამისად, გარემოს დაბინძურება შემცირდეს“, – ამბობს უწყების უფროსი ირაკლი მუკნიაშვილი.