ნეტგაზეთი | განათლებისა და კულტურის სამინისტროებთან ერთად, კომიტეტებიც იყოფა განათლებისა და კულტურის სამინისტროებთან ერთად, კომიტეტებიც იყოფა – Netgazeti
RU | GE  
თეა წულუკიანი

განათლებისა და კულტურის სამინისტროებთან ერთად, კომიტეტებიც იყოფა

განათლების, მეცნიერების, კულტურისა და სპორტის სამინისტროს რეორგანიზების შესახებ კანონპროექტი პარლამენტის ბიუროს სხდომაზე დარეგისტრირდა.

რეორგანიზაციის შედეგად, კულტურისა და სპორტის მიმართულება განათლებას გამოეყოფა და კვლავ ცალკე სამინისტროდ ჩამოყალიბდება.

“ქართული ოცნების” თანახმად, აღნიშნულ საკითხს უკავშირდება, ასევე, პარლამენტის რეგლამენტში ცვლილების კანონპროექტი, რომლის თანახმადაც, პარლამენტის განათლების, მეცნიერებისა და კულტურის კომიტეტის ნაცვლად, ორი კომიტეტი — განათლებისა და მეცნიერების კომიტეტი და კულტურის კომიტეტი შეიქმნება.

თუმცა ცალკე კულტურის კომიტეტი სამინისტროების გაერთიანებამდეც არ არსებულა.

განათლების, მეცნიერებისა და კულტურის საპარლამენტო კომიტეტს თეა წულუკიანი ხელმძღვანელობს, რომლის კანდიდატურაც კულუტურის მინისტრის პოსტზე განიხილება.

წულუკიანი იქნება კულტურის ბრწყინვალე მინისტრი – ელისო ბოლქვაძე

კულტურის სამინისტრო განათლებას კვლავ გამოეყოფა

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.