ნეტგაზეთი | წულუკიანი იქნება კულტურის ბრწყინვალე მინისტრი – ელისო ბოლქვაძე წულუკიანი იქნება კულტურის ბრწყინვალე მინისტრი – ელისო ბოლქვაძე – Netgazeti
RU | GE  

წულუკიანი იქნება კულტურის ბრწყინვალე მინისტრი – ელისო ბოლქვაძე

“ქართული ოცნების” დეპუტატი, პიანისტი ელისო ბოლქვაძე ამბობს, რომ თეა წულუკიანი კულტურის მინისტრის პოსტზე “ბრწყინვალე” იქნება.

“თეა წულუკიანი იქნება ბრწყინვალე მინისტრი. იმიტომ, რომ ძალიან პრინციპულია, ძალიან დიდ პატივს ვცემ ქალბატონ თეას.  რა თქმა უნდა [კვალიფიციური მინისტრი იქნება], რადგან არის უჭკვიანესი ადამიანი”, — განუცხადა ჟურნალისტებს ელისო ბოლქვაძემ.

თეა წულუკიანი იუსტიციის ყოფილი მინისტრი და ამჟამად პარლამენტის კულტურის, განათლებისა და მეცნიერების კომიტეტის თავმჯდომარეა. როგორც ცნობილია, კულტურის სამინისტროს გამოყოფა იგეგმება განათლებისა და მეცნიერების სამინისტროსგან.

“ქართულ ოცნებაში” ადასტურებენ, რომ კულუტურის მინისტრის თანამდებობაზე თეა წულუკიანის კანდიდატურა განიხილება, თუმცა გადაწყვეტილება ჯერ მიღებული არ არის.

ნეტგაზეთის მასალების სხვა გამოცემებში გადაბეჭდვის წესი
ავტორი