ნეტგაზეთი | ნოვოსიბირსკის თეატრმა ანანიაშვილთან კონტრაქტი შეაჩერა ნოვოსიბირსკის თეატრმა ანანიაშვილთან კონტრაქტი შეაჩერა – Netgazeti
RU | GE  

ნოვოსიბირსკის თეატრმა ანანიაშვილთან კონტრაქტი შეაჩერა

ნოვოსიბირსკის ოპერისა და ბალეტის თეატრმა ნინო ანანიაშვილთან კონტრაქტი შეაჩერა. ამის შესახებ ოფიციალური განცხადება თეატრის საიტზე გამოქვეყნდა.

განცხადებაში მიზეზად დასახელებულია ის, რომ მედიაში დასის ხელმძღვანელის ვინაობა იქამდე გავრცელდა, სანამ ოფიციალური წარდგენა გაიმართებოდა.

მანამდე კი ანანიაშვილმა რადიო თავისუფლებასთან ინტერვიუში განაცხადა, რომ ამავე თეატრმა ის საბალეტო დასის ხელმძღვანელად მიიწვია.

„თეატრი მიიჩნევს, რომ დასის მომავალი ხელმძღვანელის სახელის გასაჯაროება კოლექტივისთვის ოფიციალურ წარდგენამდე – არტისტების მიმართ უპატივცემულობის უკიდურესი გამოვლინებაა.

შესაბამისად, ჩვენ იძულებულნი ვართ შევაჩეროთ კონტრაქტის მოქმედება, მანამ, სანამ ყველა ის დეტალი არ გახდება ცნობილი, რის გამოც ეს ინფორმაცია საჯარო სივრცეში მოხვდა,“ – ამბობს თეატრი.


თბილისის ოპერისა და ბალეტის თეატრის საბალეტო დასის ხელმძღვანელმა, პრიმა-ბალერინა ნინო ანანიაშვილმა მანამდე რადიო თავისუფლებასთან განაცხადა, რომ ნოვოსიბირსკის ოპერისა და ბალეტის თეატრის საბალეტო დასს უხელმძღვანელებდა.

ანანიაშვილი ამბობდა, რომ პარალელურად  ქართული საბალეტო დასის ხელმძღვანელადაც დარჩება.

ანანიაშვილი ნოვოსიბირსკის ოპერისა და ბალეტის თეატრის დასს უხელმძღვანელებს

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან