ცესკოს მონაცემებით, 21 ნოემბერს, საპარლამენტო არჩევნების მეორე ტურში, ამომრჩეველთა ყველაზე დაბალი აქტივობა თბილისში დაფიქსირდა, ყველაზე მაღალი კი – კახეთში.

თბილისის მაჟორიტარულ ოლქებში გახსნილ საარჩევნო უბნებზე 219 211 ადამიანი მივიდა, რაც საერთო რაოდენობის 21.9%-ია. ყველაზე მაღალი აქტივობა კახეთში დაფიქსირდა. ცესკოს ინფორმაციით, უბნებზე ამომრჩეველთა 33.7% მივიდა(51 785 ადამიანი).

რაც შეეხება აქტივობას ოლქების მიხედვით: ყველაზე მაღალი აქტივობა ქედა-შუახევი-ხელვაჩაური-ხულოს ოლქში დაფიქსირდა. აქ ამომრჩეველთა 39.29%(37 987 ადამიანი) მივიდა უბნებზე. ყველაზე დაბალი აქტივობა იყო ნაძალადევში: აქ სულ 20.04%-მა მისცა ხმა, რაც 27 046 მოქალაქეს უდრის.