ნეტგაზეთი | წინასწარი მონაცემებით, მეორე ტურზე ამომრჩეველთა 26.29% მივიდა წინასწარი მონაცემებით, მეორე ტურზე ამომრჩეველთა 26.29% მივიდა – Netgazeti
RU | GE  

წინასწარი მონაცემებით, მეორე ტურზე ამომრჩეველთა 26.29% მივიდა

საქართველოს საპარლამენტო არჩევნების მეორე ტურის ტურის კენჭისყრის პროცედურა დასრულდა. უბნები უკვე დაიხურა.

ცენტრალური საარჩევნო კომისიის ინფორმაციით, 20:00 საათისათვის საარჩევნო უბნებზე  ამომრჩეველთა 26.29% გამოცხადდა. ეს იმას ნიშავს, რომ საპარლამენტო არჩევნების მეორე ტურში მონაწილეობა მიიღო 562 664-მა ამომრჩეველმა.

შედარებისთვის, 2016 წლის საპარლამენტო არჩევნების მეორე ტურზე ამომრჩეველთა 37.5% გამოცხადდა(929 265 ადამიანი).

არჩევნების მეორე ტურს ბოიკოტი გამოუცხადა ოპოზიციამ. ის მიიჩნევს, რომ არჩევნები გაყალბდა და ცესკოს ოფიციალური მონაცემი არ ასახავს რეალობას.

ნეტგაზეთის მასალების სხვა გამოცემებში გადაბეჭდვის წესი
ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან