ნეტგაზეთი | პანდემია არჩევნებს ხელს ვერ შეუშლის – გახარია პანდემია არჩევნებს ხელს ვერ შეუშლის – გახარია – Netgazeti
RU | GE  

პანდემია არჩევნებს ხელს ვერ შეუშლის – გახარია

საქართველოს პრემიერ-მინისტრის, გიორგი გახარიას თქმით, პანდემია არჩევნების ჩატარებას ხელს ვერ შეუშლის.

“პანდემია არჩევნებს ხელს ვერ შეუშლის. ჩვენ ყოველთვის ვამბობდით, რომ მეორე ტალღა იქნება. ეს სიახლე არ არის, ყოველთვის ვამბობდით, რომ ელემენტარული წესები უნდა დავიცვათ.

მარტივი რამ მინდა გითხრათ, განვითარებული მსოფლიოში ვერავინ პირბადეზე, დისტანციაზე და ელენემტარულ ჰიგიენის ნორმების დაცვაზე უკეთესი პრევენცია ვირუსის გავრცელებისთვის – ვერ მოიგონა,” – ამბობს გახარია და ამატებს, რომ მართალია ინფიცირებულთა რაოდენობის ზრდა მოსალოდნელი იყო, კორონავირუსთან თანაცხოვრებას უნდა მივეჩვიოთ.

გახარიამ ჟურნალისტებთან ასევე განმარტა, რომ მთავრობას სისტემური შეზღუდვების ან/და საგანგებო მდგომარეობის გამოცხადება, არ უნდა – “ჩვენ გვინდა, გაგრძელდეს განათლება, ეკონომიკური და პოლიტიკური ცხოვრება”.

მისივე თქმით, იმისთვის, რომ რისკ ჯგუფებს – ხანდაზმულებსა და ქრონიკული დაავადებების მქონე პირებს საფრთხე არ ექმურებოდეს, მოქალაქეები მაქსიმალურად უნდა მიჰყვნენ ჰიგიენურ ნორმებს, ატარონ პირბადე და დაიცვან დისტანცია.

“სწორი არის რეკომენდაცია, რომ ხანდაზმული ადამიანები აჭარაში დარჩნენ სახლში,” – ამატებს გახარია.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან