ნეტგაზეთი | ყველაფერს გავაკეთებთ არჩევნების დემოკრატიულ გარემოში ჩატარებისთვის – გახარია ყველაფერს გავაკეთებთ არჩევნების დემოკრატიულ გარემოში ჩატარებისთვის – გახარია – Netgazeti
RU | GE  

ყველაფერს გავაკეთებთ არჩევნების დემოკრატიულ გარემოში ჩატარებისთვის – გახარია

საქართველოს პრემიერ-მინისტრი, გიორგი გახარია გაეროში სიტყვით გამოსვლისას ამბობს, რომ მთავრობა ყველაფერს გააკეთებს 2020 წლის არჩევნების დემოკრატიულ გარემოში ჩატარებისთვის.

გაეროს გენერალური ასამბლეის 75-ე სესიაზე სიტყვით გამოსვლისას, გახარიამ 2020 წლის არჩევნებზე ისაუბრა და აღნიშნა, რომ 2024 წელს ქვეყანაში საპარლამენტო არჩევნები სრულად პროპორციული საარჩევნო სისტემით ჩატარდება.

„საქართველოს მთავრობა ყველაფერს აკეთებს და გააკეთებს იმისთვის, რომ ამ უმნიშვნელოვანესმა არჩევნებმა, რომლის ჩატარებაც გვიწევს პანდემიის პირობებში, ჩაიაროს თავისუფალ, მიუკერძოებელ, გამჭვირვალე და დემოკრატიულ გარემოში, სადაც საერთაშორისო დამკვირვებლების მაქსიმალური დასწრების ფონზე, საქართველოს ყველა მოქალაქეს მიეცემა შესაძლებლობა, თავისუფლად გამოხატოს საკუთარი პოლიტიკური ნება“, – განაცხადა გიორგი გახარიამ.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან