ნეტგაზეთი | გახარია: ჯანდაცვის სამინისტროს უახლოეს დღეებში 3 000 საწოლის მომზადება დაევალა გახარია: ჯანდაცვის სამინისტროს უახლოეს დღეებში 3 000 საწოლის მომზადება დაევალა – Netgazeti
RU | GE  

გახარია: ჯანდაცვის სამინისტროს უახლოეს დღეებში 3 000 საწოლის მომზადება დაევალა

საქართველოს პრემიერ-მინისტრის, გიორგი გახარიას განცხადებით, კორონავირუსის შემთხვევების მზარდი სტატისტიკის ფონზე ჯანდაცვის სამინისტროს დაევალა უახლოეს დღეებში 3 000 საწოლის მზადყოფნაში მოყვანა დაევალა.

გახარია აღნიშნავს, რომ შემთხვევების მატების მიუხედავად პანიკის საფუძველი არ არსებობს, რამდენადაც დაავადების გამოვლენისა და მკურნალობის მექანიზმი გამართულად, შეფერხების გარეშე მუშაობს:

“დღეის მდგომარეობით, ჯანდაცვის სამინისტროს დაევალა უახლოეს დღეებში სრულ მზადყოფნაში იყოს 3 000 საწოლი იმისთვის, რომ თუ შემთხვევების რაოდენობა გაიზრდება, მათ შეეძლოთ სწრაფად და ეფექტურად უმკურნალონ.

“დღეის მდგომაროებით, მიუხედავად იმისა, რომ რაოდენობა ინფიცირებულების იზრდება, ჩვენ სრულად ვმართავთ და ვაკონტორლებთ სიტუაციას” – ამბობს გახარია.

უკვე რამდენიმე დღეა, საქართველოში კორონავირუსით ინფიცირების შემთხვევები ყოველდღიურად იზრდება. დღეს, 11 სექტემბერს, ინფიცირების 87 შემთხვევა გამოვლინდა, რაც საქართველოსთვის დღიური გამოვლენის რეკორდული მაჩვენებელია.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.