პროკურატურა აცხადებს, რომ ამბროლაურის რაიონის სოფელ აგარაში ჯგუფურად ჩადენილი განზრახ მკვლელობის საქმეზე ორ ადამიანს, ი.ქ.-ს და ვ.ს.-ს ბრალდება წარუდგინეს.

გამოძიების ვერსიით, 22 აგვისტოს, ღამის საათებში, ამბროლაურის რაიონის სოფელ აგარაში მომხდარი შელაპარაკებისა და ფიზიკური დაპირისპირების დროს, ი.ქ.-მ და ვ.ს.-მ ჯგუფურად,  გაგუდვით მოკლეს ლ.ა..

ბრალდებულები ცხელ კვალზე იმავე დღეს დააკავეს. 23 აგვისტოს მათ ბრალდება სისხლის სამართლის კოდექსის 109-ე მუხლის მე-2 ნაწილის „ე“ ქვეპუნქტით (განზრახ მკვლელობა ჯგუფურად) წარედგინათ, რაც სასჯელის სახედ და ზომად 13-დან 17 წლამდე პატიმრობას ითვალისწინებს.