ნეტგაზეთი | მინსკში ზურაბიშვილის ვიზიტის შესახებ ცნობას ადმინისტრაცია კატეგორიულად უარყოფს მინსკში ზურაბიშვილის ვიზიტის შესახებ ცნობას ადმინისტრაცია კატეგორიულად უარყოფს – Netgazeti
RU | GE  

მინსკში ზურაბიშვილის ვიზიტის შესახებ ცნობას ადმინისტრაცია კატეგორიულად უარყოფს

საქართველოს პრეზიდენტის ადმინისტრაციაში არ ადასტურებენ, რომ 16 აგვისტოს სალომე ზურაბიშვილი მინსკში იმყოფებოდა. შესაბამისი ინფორმაცია სოციალურ ქსელში გავრცელდა.

“კატეგორიულად უარვყოფთ გავრცელებულ ინფორმაციას. პრეზიდენტს არათუ სქართველო, თბილისიც კი არ დაუტოვებია”, – ამბობენ ადმინისტრაციაში პრეზიდენტზე.

თავდაპირველად, ანალიტიკოსმა ეგორ კუროპტევმა გაავრცელა ცნობა იმის შესახებ, რომ საქართველოს ხელისუფლების კუთვნილი თვითმფრინავი 16 აგვისტოს მინსკში ჩაფრინდა, იქ ერთი საათი დაჰყო და უკან დაბრუნდა. ამას მოჰყვა ცნობა ზურაბიშვილის გამგზავრების შესახებაც.

აღნიშნულთან დაკავშირებით “ნეტგაზეთი” საგარეო საქმეთა სამინისტროსთან დაკავშირებას ცდილობს.

16 აგვისტოს მინსკსა და სხვა ქალაქებში გაიმართა მასშტაბური აქციები ალექსანდრე ლუკაშენკოს წინააღმდეგ.

“წადი”- მასშტაბური პროტესტი მინსკსა და სხვა ქალაქებში ლუკაშენკოს წინააღმდეგ

ნეტგაზეთის მასალების სხვა გამოცემებში გადაბეჭდვის წესი
ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან