გიორგი შარვაშიძე ივანე ჯავახიშვილის სახელობის თბილის სახელმწიფო უნივერსიტეტის რექტორად მეორე ვადით აირჩიეს. შარვაშიძეს მხარი დაუჭირა აკადემიური საბჭოს 32-მა წევრმა.
თავდაპირველად არჩევნებში მონაწილეობდა სამი კანდიდატი: გიორგი შარვაშიძე, ცირა ბარამიძე და გიორგი ბარამიძე . თუმცა გიორგი ბარამიძემ დღეს, არჩევნების მიმდინარეობისას, საკუთარი კანდიდატურა მოხსნა. მისი თქმით, აკადემიური საბჭოსთვის თავისი ხედვების გაცნობა ვერ შეძლო, რადგან Zoom-ში გასაუბრების დროს მისი ხმა არ ისმოდა.
თსუს-ს რექტორის თანამდებობას გიორგი შარვაშიძე 2016 წლიდან იკავებს.
მიმდინარე წლის იანვარში მოქმედი რექტორი გიორგი შარვაშიძე პლაგიატში დაადანაშაულეს.