ნეტგაზეთი | არაა გამორიცხული, თბილისის დარჩენილი 2 ოლქიდან ერთში საერთო კანდიდატი არ დავაყენოთ – ბოკერია არაა გამორიცხული, თბილისის დარჩენილი 2 ოლქიდან ერთში საერთო კანდიდატი არ დავაყენოთ – ბოკერია – Netgazeti
RU | GE  

არაა გამორიცხული, თბილისის დარჩენილი 2 ოლქიდან ერთში საერთო კანდიდატი არ დავაყენოთ – ბოკერია

„ევროპული საქართველოს“ ერთ-ერთი ლიდერის, გიგა ბოკერიას თანახმად, არ არის გამორიცხული, რომ თბილისის 8 მაჟორიტარული ოლქიდან ერთ-ერთში ყველა ოპოზიციურმა პარტიამ დამოუკიდებლად წარადგინოს კანდიდატი.

ამ დრომდე ცნობილი იყო ოპოზიციის შეთანხმება, რომლის თანახმადაც, თბილისის 8-ვე საარჩევნო მაჟორიტარულ ოლქში ოპოზიციური პარტიები საერთო კანდიდატებს წარადგენდნენ.

თუმცა ჯერჯერობით მხოლოდ 6 ოლქშია დასახელებული მაჟორიტარობის კანდიდატები. ესენი არიან:

  • ელენე ხოშტარია – ვაკე;
  • ნიკა მელია – გლდანი;
  • გიორგი ვაშაძე – ისანი;
  • ლევან ხაბეიშვილი – სამგორი;
  • შალვა შავგულიძე – მთაწმინდა/კრწანისი;
  • შალვა ნათელაშვილი – ნაძალადევი.

28 ივლისს ბრიფინგზე ჟურნალისტის კითხვაზე პასუხად გიგა ბოკერიამ განაცხადა, რომ თბილისის ორ ოლქში ჯერჯერობით ვერ შედგა კანდიდატებზე შეთანხმება და დასძინა:

„არ არის გამორიცხული, რომ ერთში ყველამ დააყენოს კანდიდატი და მეორეში შეთანხმება ისევ შედგეს“. დარჩენილი ორი ოლქია საბურთალო და დიდუბე-ჩუღურეთი.

ამასთან, „ევროპული საქართველო“ „ნაციონალურ მოძრაობას“ და სხვა ოპოზიციურ პარტიებს თბილისს გარეთ მაჟორიტარულ ოლქებში საერთო კანდიდატებზე შეთანხმებისკენ მოუწოდებს:

ვრცლად:

ენმ-ს რეგიონებში მაჟორიტარებზე ვთავაზობდით სტრატეგიებს 11/8 ან 8/4 – ბოკერია

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com