ნეტგაზეთი | ივანიშვილს, ძალაუფლებას თუ არ დათმობს, სანქციები ემუქრება — ნათელაშვილი ივანიშვილს, ძალაუფლებას თუ არ დათმობს, სანქციები ემუქრება — ნათელაშვილი – Netgazeti

ივანიშვილს, ძალაუფლებას თუ არ დათმობს, სანქციები ემუქრება — ნათელაშვილი

ლეიბორისტული პარტიის ლიდერი გამოეხმაურა აშშ-ის კონგრესის წარმომადგენელთა პალატაში დარეგისტრირებულ კანონპროექტს, რომლის თანახმადაც, საქართველოს შეიძლება შეუჩერდეს აშშ-ის მიერ გამოყოფილი დახმარების 15%. ის ამჟამად კომიტეტმა უნდა განიხილოს.

ნათელაშვილის თქმით,  „აშშ-ის კონგრესი ივანიშვილის რეჟიმისთვის სანქციების დაწესებას იწყებს“ და „ თუ ივანიშვილი არ გამოაცხადებს, რომ თმობს ძალაუფლებას, ელოდება ისეთი რეალური სანქციები, როგორიც არ ღირსებია მსოფლიოში ცნობილ, თანამედროვე თუ წარსულის დიქტატორს“.

“მთავარია, ივანიშვილმა შეიგნოს, რომ მისი დრო წავიდა და გამოაცხადოს ძალაუფლების გადაცემასთან დაკავშირებული პროცედურების დაწყება და მისცეს ქართველ ხალხს საშუალება მომავლის დიდ მაგისტრალზე გასვლისა, რის უფლებას იგი არ გვაძლევდა. ეს გახლავთ ისტორიული მნიშვნელობის დოკუმენტი, რომელიც შედგენილია ჩვენ მიერ 8 წლის განმავლობაში ვაშინგტონისათვის მიწოდებული, დასაბუთებული ინფორმაციების საფუძველზე და ამას ამაყად ვაცხადებთ.

დღეს ივანიშვილის ეპოქა, მისი რეჟიმის არსებობის საშინაო და საერთაშორისო საფუძველი, ბაზისი, დამთავრებულია.

კიდევ ერთხელ მოვუწოდებ, დაგვანებოს თავი“, — განაცხადა ნათელაშვილმა.


კანონპროექტი შეაფასეს „ქართულ ოცნებაშიც“. მმართველ გუნდში მას „უპერსპექტივო ინიციატივას“ უწოდებენ.

ამ თემაზე იხილეთ:

ცალკეული, უპერსპექტივო ინიციატივა და არა გადაწყვეტილება – “ოცნება” კონგრესის კანონპროექტზე

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com