ნეტგაზეთი | TikTok-ის დაბლოკვას სერიოზულად განვიხილავთ — პომპეო TikTok-ის დაბლოკვას სერიოზულად განვიხილავთ — პომპეო – Netgazeti

TikTok-ის დაბლოკვას სერიოზულად განვიხილავთ — პომპეო

აშშ-ის სახელმწიფო მდივნის, მაიკ პომპეოს თქმით, შტატების ფედერალური მთავრობა ჩინური გასართობი აპლიკაციის, TikTok-ის დაბლოკვას (აშშ-ის ტერიტორიაზე მის აკრძალვას) სერიოზულად განიხილავს. ამის შესახებ მან Fox News-ის ეთერში განაცხადა.

„ამას ძალიან სერიოზულად ვუყურებთ და ნამდვილად განვიხილავთ. ამ საკითხზე ძალიან დიდი ხნის განმავლობაში ვმუშაობდით“, — აღნიშნა პომპეომ და გააფრთხილა ამერიკელები, რომ ფრთხილად იყვნენ TikTok-ის გამოყენებასთან დაკავშირებით, თუ არ სურთ, მათი ინფორმაცია „ჩინური კომუნისტური პარტიის ხელში აღმოჩნდეს“.


TikTok ჩინური აპლიკაციაა, რომელშიც მომხმარებლებს მცირე ხანგრძლივობის მუსიკალური ვიდეოების შექმნა შეუძლიათ.

აღნიშნულ თემაზე გირჩევთ:

საფრთხე, რომელსაც TikTok ქმნის

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com