ნეტგაზეთი | ენმ-ის ოფისის დარბევის საქმეზე ერთი პირი დააკავეს ენმ-ის ოფისის დარბევის საქმეზე ერთი პირი დააკავეს – Netgazeti

ენმ-ის ოფისის დარბევის საქმეზე ერთი პირი დააკავეს

გორში, “ნაციონალური მოძრაობის” ოფისის დარბევის საქმეზე შსს-მ ერთი პირი დააკავა. უწყების ცნობით, 1969 წელს დაბადებულ პირს ბრალი სხვისი ნივთის დაზიანების ან განადგურების მუხლით წაუყენეს.

“გამოძიებით დადგინდა, რომ ბრალდებულმა ქვები ესროლა ქალაქ გორში დ. გარსევანიშვილის ქუჩა #1-ში მდებარე „ერთიანი ნაციონალური მოძრაობის“ ოფისის შენობის შუშებს და დააზიანა, ასევე ოფისიდან გამოიტანა ტელევიზორი, კომპიუტერის მონიტორი და დააზიანა”,-აცხადებენ შსს-ში.

მომხდარზე გამოძიება სისხლის სამართლის კოდექსის 187- ე მუხლის პირველი ნაწილით მიმდინარეობს, რაც სხვისი ნივთის დაზიანებას ან განადგურებას გულისხმობს. დამტკიცების შემთხვევაში ბრალდება  1-დან 3 წლამდე ვადით თავისუფლების აღკვეთას ითვალისწინებს.

დღეს, 26 ივნისს, ენმ-მ გაავრცელა ინფორმაცია, რომ გორში მათი ცენტრალური ოფისი დაარბიეს. პარტიის პრესსამსახურის ინფორმაციით, დამსხვრეულია ოფისის შუშები და დამტვრეულია კომპიუტერები.

გორში ენმ-ს ოფისი დაარბიეს

 

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.