ალბანეთის საგარეო საქმეთა სამინისტრო

„ვუგზავნით გულწრფელ მილოცვას ქართველ ხალხს და ჩვენს კოლეგებს საქართველოს საგარეო საქმეთა სამინისტროში მათი ეროვნული დღის ზეიმისას. გილოცავთ დამოუკიდებლობის დღეს, საქართველო!“, — წერს ალბანეთის საგარეო უწყება.

ნორვეგიის ელჩი საქართველოში

საქართველოს დამოუკიდებლობის დღეს ნორვეგიის ელჩი ჰელენ სანდ ანდერსენი Facebook-გვერდზე გამოქვეყნებულ ვიდეოში ულოცავს.

ევროკავშირის ელჩი საქართველოში

ევროკავშირის ელჩმა საქართველოში, კარლ ჰარცელმა საკუთარი მილოცვა „ტვიტერზე“ გამოაქვეყნა — „ჩემი უთბილესი მილოცვა საქართველოს და მის ხალხს დამოუკიდებლობის დღესთან დაკავშირებით“, — წერს იგი.

ევროპარლამენტარი ვიოლა ფონ კრამონი

საქართველოს დამოუკიდებლობის დღეს „ტვიტერში“ გამოეხმაურა გერმანელი ევროპარლამენტარი ვიოლა ფონ კრამონი. „გილოცავ დამოუკიდებლობის დღეს, საქართველო! დეოკუპაცია რუსული ძალებისგან, დემოკრატიის გაძლიერება და სხვა პრობლემები დგას თქვენს გზაზე სრული დამოუკიდებლობის მოპოვებისთვის. ამ ბრძოლაში მარტო არ ხართ. ვიზიარებთ საერთო ევროპულ წარსულსა და საერთო ევროპულ მომავალს“, — წერს იგი.

სომხეთის საგარეო საქმეთა მინისტრი

დამოუკიდებლობის დღეს საქართველოს სომხეთის საგარეო საქმეთა მინისტრი, ზოჰრაბ მნათსაკიანი ულოცავს — „თბილი მილოცვა საქართველოს, მის ხალხსა და მთავრობის დამოუკიდებლობის დღესთან დაკავშირებით. ჩვენ დიდად ვაფასებთ სომხეთ-საქართველოს მეგობრობას, რომელიც დაფუძნებულია ისტორიაზე, საერთო ღირებულებებზე და თანამშრომლობისა და პარტნიორობის ხანგრძლივ დინამიკაზე. გილოცავთ დამოუკიდებლობის დღეს“, — წერს იგი.

ლიეტუვის საგარეო საქმეთა მინისტრი და სეიმი

საქართველოს დამოუკიდებლობის დღესთან დაკავშირებით განცხადებები გაავრცელეს ლიეტუვას საგარეო საქმეთა მინისტრმა და სეიმმა (პარლამენტმა).

„ვუგზავნით ჩვენს ყველაზე გულწრფელ მილოცვას ქართველ ხალხს, რომელიც დღეს დამოუკიდებლობის დღეს აღნინავს. ლიეტუვა მხარს უჭერს თქვენს ევროპულ და ევროატლანტიკურ მისწრაფებებს. მთელი გულით ვულოცავთ ქართველ ხალხს დამოუკიდებლობის დღეს!“, — წერს მინისტრი ლინას ლინკევიჩუსი.

დამოუკიდებლობის დღეს საქართველოს ლიეტუვას სეიმიც „ტვიტერში“ ულოცავს.

ესპანეთის კონგრესისა და ესპანეთის სენატის საგარეო ურთიერთობათა კომიტეტის თავმჯდომარეები

„გვსურს ჩვენს მეგობარ სახელმწიფოს, საქართველოს, ესპანეთის დეპუტატთა კონგრესის სახელით მოგილოცოთ დამოუკიდებლობის დღე“, — აცხადებენ მერიტჩელ ბატეტ ლამანია (ესპანეთის კონგრესის თავმჯდომარე) და ანტონიო გუტიერეს ლიმონესი (ესპანეთის სენატის საგარეო ურთიერთობათა კომიტეტის თავმჯდომარე) საქართველოს პარლამენტის მიერ გამოგზავნილ პრეს-რელიზში.

ევროპის სახალხო პარტია (EPP)

დამოუკიდებლობის დღესთან დაკავშირებით განცხადება გამოაქვეყნა „ევროპის სახალხო პარტიამ“. „ვულოცავთ დამოუკიდებლობის დღეს ჩვენ ქართველ მეგობრებს“, — წერს პარტია.

ჯეიმს აპატურაი

„გილოცავ დამოუკიდებლობის დღეს,საქართველო!! თქვენ ეს დაიმსახურეთ. ბევრს მუშაობთ მის შესანარჩუნებლად. გილოცავთ“, — წერს NATO-ს წარმომადგენელი კავკასიაში.

ნიკოლ ფაშინიაინი

სომხეთის პრემიერ-მინისტრმა, სომხური მედიის ცნობით, ქართველ კოლეგას მისალოცი წერილი გამოუგზავნა. „სითბოთი გილოცავთ თქვენ და საქართველოს კეთილ ხალხს ეროვნულ — დამოუკიდებლობის აღდგენის დღეს“, — ციტირებენ ფაშინიანს.

რეჯეფ თაიფ ერდოღანი და თურქეთის საგარეო საქმეთა სამინისტრო

საქართველოს პრეზიდენტის ვებ-გვერდის ცნობით, მილოცვა ზურაბიშვილმა თურქეთის პრეზიდენტისგან, რეჯეფ თაიფ ერდოღანისგან მიიღო — „ქალბატონო პრეზიდენტო, ჩემი და ჩემი ხალხის სახელით გულითადად ვულოცავ თქვენს აღმატებულებას და ქართველ ხალხს საქართველოს დამოუკიდებლობის დღესასწაულს“, — აცხადებს ერდოღანი.

თურქეთის საგარეო საქმეთა სამინისტრომ განცხადება „ტვიტერში“ გამოაქვეყნა. „ვულოცავთ საქართველოს, ჩვენს მეგობარს, მეზობელს და სტრატეგიულ პარტნიორს 26 მაისს — დამოუკიდებლობის დღეს. გაუმარჯოს საქართველოს!“, — წერს სამინისტრო.

ევროვიზია

„გილოცავთ დამოუკიდებლობის დღეს, საქართველო!“, — წერს კონკურსის ანგარიში „ტვიტერში“.

სერჯო მატარელა

„პირადად ჩემი და იტალიელი ხალხის სახელით, მეძლევა სასიამოვნო შესაძლებლობა, გულითადად მოგილოცოთ თქვენ და საქართველოს მოქალაქეებს საქართველოს დამოუკიდებლობის დღე“, — წერს იტალიის პრეზიდენტი ზურაბიშვილს.