საქართველოს პროკურატურის თქმით, ჩოგბურთელმა ნიკოლოზ ბასილაშვილმა ყოფილ ცოლზე არასრულწლოვნის თანდასწრებით იძალადა.

უწყება ამბობს, რომ ბასილაშვილი სამართალდამცველებმა 22 მაისს დააკავეს. მას შემდეგ რაც მან, ურთიერთშელაპარაკების ნიადგაზე, ყოფილ მეუღლეზე ფიზიკურად იძალადა.

ბასილაშვილს პროკურატურამ ბრალდება სისხლის სამართლის კოდექსის 126-ე პრიმა მუხლის მე-2 ნაწილის „ბ“    ქვეპუნქტით წარუდგინა – რაც, არასრულწლოვნის თანდასწრებით მისივე ოჯახის წევრის მიმართ ოჯახში ძალადობას გულისხმობს.

„სისხლის სამართლის საქმეზე გამოძიება გრძელდება. ბრალდების მხარემ უკვე მიმართა  სასამართლოს ბრალდებულისთვის აღკვეთის ღონისძიების სახით, პატიმრობის შეფარდების შუამდგომლობით,“ – ამბობს პროკურატურა.

ბასილაშვილი ყოფილ ცოლზე ძალადობის ბრალდებით დააკავეს – პროკურატურა