საქართველოს პრემიერის, გიორგი გახარიას თქმით, საგანგებო მდგომარეობის დასრულებასთან ერთად უქმდება შეზღუდვა, რომლის თანახმადაც ავტომობილებში სამ ადამიანზე მეტის ერთად მგზავრობა იკრძალება.
გახარია განმარტავს, რომ შეზღუდვა ძალაში რჩება მხოლოდ ტაქსებისთვის, სხვა ავტომობილებისთვის კი 23 მაისს უქმდება. რაც შეეხება საზოგადოებრივ ტრანსპორტს, გახარიას განმარტებით, ჯერჯერობით მისი მუშაობა არ აღდგება.
„ჩვენ ვიმსჯელეთ და მივიღეთ გადაწყვეტილება, კარგად ცნობილი შეზღუდვა 1 ავტომობილში 3 ადამიანის რაოდენობით გავრცელდეს მხოლოდ ტაქსებზე და სხვა ყველა საავტომობილო საშუალებებში გაუქმდეს“, – ამბობს გახარია.
მისივე თქმით, მთავრობამ მიიღო ისეთი გადაწყვეტილებები, რომლებიც მოქალაქეებს მისცემს საშუალებას, შეძლებისდაგვარად, იშრომონ და შემოსავალი მიიღონ.
რაც შეეხება საზოგადოებრივ ტრანსპორტს, გახარიას განმარტებით, ჯერჯერობით მისი მუშაობა არ აღდგება.
