ახალი ამბები

პოლიციამ კაფე “გალერის” ფანჯრიდან ლგბტ დროშა ჩამოახსნევინა

17 მაისი, 2020 • 2062
პოლიციამ კაფე “გალერის” ფანჯრიდან ლგბტ დროშა ჩამოახსნევინა

პოლიციელებმა კაფე “გალერის” წარმომადგენლებს 17 მაისთან დაკავშირებით ფანჯრიდან გადმოფენილი ლგბტ მოძრაობის სიმბოლო – ცისარტყელისფერებიანი დროშა ჩამოახსნევინეს.

როგორც ტვ “პირველი” აცხადებს, კაფეში ათამდე პოლიციელი იყო მისული.

“დაპირისპირებული მხარე რომ არ მოვიდეს და ექსცესები თავიდან ავიცილოთ”, – ასე ახსნეს პოლიციელებმა თავიანთი მოთხოვნა ტელეკომპანიის ჟურნალისტთან მოკლე ინტერვიუში, – “საფრთხე იყო, გვაქვს ინფორმაცია”.

ლგბტ აქტივისტებმა ჰომოფობიის, ტრანსფობიისა და ბიფობიის წინააღმდეგ საერთაშორისო დღე დანარჩენი მსოფლიოს მსგავსად დღეს თბილისშიც აღნიშნეს. მათი პროტესტი, ძირითადად, სიმბოლური იყო. მათ ქვეყნის სხვადასხვა ქალაქში დროშები გამოფინეს.

მასალების გადაბეჭდვის წესი