ნეტგაზეთი | “ნაბიჯი სწორი მიმართულებით” – კუბილიუსი უგულავას და ოქრუაშვილის შეწყალებაზე “ნაბიჯი სწორი მიმართულებით” – კუბილიუსი უგულავას და ოქრუაშვილის შეწყალებაზე – Netgazeti

“ნაბიჯი სწორი მიმართულებით” – კუბილიუსი უგულავას და ოქრუაშვილის შეწყალებაზე

ევროპარლამენტარი და ევრონესტის საპარლამენტო ასამბლეის თანათავმჯდომარე ანდრიუს კუბილიუსი ტვიტერის გვერდზე პრეზიდენტ ზურაბიშვილის გადაწყვეიტლებას ეხმაურება და მას სწორი მიმართულებით გადადგმულ ნაბიჯს უწოდებს:

“მნიშვნელოვანი წინსვლა საქართველოში – პრეზიდნტმა ზურაბიშვილმა შეიწყალა ოპოზიციის ლიდერები, თბილისის ყოფილი მერი გიგი უგულავა და თავდაცვის ყოფილი მინისტრი ირაკლი ოქრუაშვილი. სწორი მიმართულებით გადადგმული ნაბიჯი. ვულოცავ პრეზიდენტ ზურაბიშვილს” – წერს ევროპარლამენტარი საკუთარ ტვიტერის გვერდზე.


“ერთიანი ნაციონალური მოძრაობა” და “ევროპული საქართველო” აცხადებდნენ, რომ “პოლიტიკური პატიმრების” – ირაკლი ოქრუაშვილის, გიორგი რურუასა და გიგი უგულავას – გათავისუფლების გარეშე ისინი მხარს არ დაუჭერდნენ 8 მარტის შეთანხმებით გათვალისწინებულ საკონსტიტუციო ცვლილებებს. ამ ცვლილებებით, 2020 წლის საპარლამენტო არჩევნები პროპორციულ არჩევნებთან მიახლოებული სისტემით უნდა ჩატარდეს, რაც გულისხმობს 120 დეპუტატის პროპორციული, 30-ის კი მაჟორიტარული სისტემით არჩევას.

“ქართული ოცნება” აცხადებდა, რომ 8 მარტის შეთანხმება ვინმეს ციხიდან გათავისუფლებას არ გულისხმობდა და ამას არ აპირებდნენ, რასაც ევროპელი პოლიტიკოსებისა და ამერიკელი კონგრესმენების მხრიდან მკაცრი შეფასებები მოჰყვა. მათ ხელისუფლებას ღიად მოუწოდეს “პოლიტიკური პატიმრების” გათავისუფლებისკენ.

პრეზიდენტმა უგულავა და ოქრუაშვილი შეიწყალა

 

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.