დაავადებათა კონტროლის ეროვნული ცენტრის დირექტორის მოადგილის, პაატა იმნაძის თქმით, საქართველოში არის პაციენტი, რომელიც სახლში მკურნალობს. ამის შესხაებ იმნაძემ “რუსთავი 2-ის” ეთერში ისაუბრა.
“ჩვენთან უკვე არის ერთი პაციენტი, რომელიც სახლში მკურნალობს, ჩვენ არ გაგვიჟღერებია ეს აქამდე. ის ცხოვრობს შვილთან ერთად, რომელმაც უკვე გადაიტანა კორონავირუსი”, – განაცხადა იმნაძემ.
საქართველოში 21 აპრილის 23:00 საათის მონაცემებით, კორონავირუსის 408 დადებითი შემთხვევა ფიქსირდება, აქედან გამოჯანმრთელებულია 97 პაციენტი, ხოლო გარდაცვლილია 4. საკარანტინო რეჟიმში იმყოფება 5 015 ადამიანი, სტაციონარში მეთვალყურეობის ქვეშ კი -573. ასევე, უცხოეთიდან სამკურნალოდ გადმოყვანილია საქართველოს 3 მოქალაქე.
