აქცია დღეს, 5 ოქტომბერს, 19 საათზე დაიწყო. ივანიშვილის სახლთან რამდენიმე ათეული პოლიციელია მობილიზებული.
აქციაში მონაწილეობენ “თავსიუფალი ზონის წევრები” და საპარლამენტო უმცირესობის წარმომადგენლები. აქციაზე ისმის ტელეკომპანია “რუსთავი 2”-ის მხარდასაჭერი შეძახილები.
აქციის დაწყებიდან 20 წუთის შემდეგ პოლიციელების ნაწილმა ივანიშვილის სახლის მიმდებარე ტერიტორია დატოვა.
“რუსთავი 2″–ის მხარდამჭერ აქციაზე დაკავებულ “თავისუფალი ზონის” 3 წევრს ბრალად დეპუტატისთვის ფიზიკური შეურაცხყოფის მიყენება [ხულიგნობა] ედებათ, ქუთაისის საქალაქო სასამართლომ აღკვეთის ღონისძიების სახით პატიმრობა შეუფარდა.
ნიკა ნარსია, მირიან დეისაძე და კახაბერ გაბუნია 3 ოქტომბერს დააკავეს. მათ პარლამენტის შენობასთან პარლამენტის წევრ დავით ლორთქიფაიძისათვის ფიზიკური შეურაცხოფის მიყენება ედებათ ბრალად. დაკავავებულები ტელეკომპანია “რუსთავი 2”-ის მხარდასაჭერად გამართულ აქციაში იღებდნენ მონაწილეობას.
