პარლამენტის საფინანსო-საბიუჯეტო კომიტეტის თავმჯდომარე, ირაკლი კოვზანაძე აცხადებს, რომ კომიტეტი ელოდება საქართველოს ეკონომიკის 4-5%-იან რეცესიას.
კოვზანაძემ 13 აპრილს პარლამენტის ბიუროს სხდომაზე განაცხადა, რომ მართალია, 2020 წლის ბიუჯეტის I კვარტალი შესრულდა, თუმცა Covid-19-ის პანდემიის გამო აპრილში შეინიშნება შემოსავლების შემცირება და იგივეა მოსალოდნელი მაისშიც.
„ვფიქრობთ, რომ ქვეყანა ეკონომიკურ რეცესიაში შევა და აქედან გამომდინარე, გვექნება არათუ მშპ-ის 4.5%-იანი ზრდა, რაც სახელმწიფო ბიუჯეტში დაგეგმილი გვქონდა, არამედ გვექნება უარყოფითი ზრდა, -4% და -5%-ის ფარგლებში“, – განაცხადა კოვზანაძემ.
მისი თქმით, ეს ციფრები დაზუსტებით ასახული იქნება სახელმწიფო ბიუჯეტის შესწორების პროექტშიც, რომლის შეტანასაც მთავრობისგან, ფინანსთანსამინისტროსგან, მაისში ელოდებიან.
კოვზანაძემ ასევე განაცხადა, რომ ბიუჯეტის დეფიციტი, რაც 2.5%-ზეა დაგეგმილი, საერთაშორისო საფინანსო ინსტიტუტების მხრიდან დაფინანსებას შემდეგ „ჯერადად გაიზრდება“.
რეცესია ეკონომიკური აქტივობის მნიშვნელოვან კლებას ნიშნავს: ამ დროს იკლებს მთლიანი შიდა პროდუქტი, შემოსავლები, დასაქმება, წარმოება და საცალო გაყიდვები.
გირჩევთ ასევე:
რას სთავაზობს ოპოზიცია ხელისუფლებას ეკონომიკური სიტუაციის გამოსასწორებლად