ოფიციალური ცნობითვე, დაკავებულებმა მიმდინარე წლის 19 სექტემბერს თბილისში, რუსთაველის გამზირზე, საქართველოს მოქალაქეს და მის ორ თანმხლებ პირს, ნიგერიის მოქალაქეებს სიტყვიერი და ფიზიკური შეურაცხყოფა მიაყენეს და შემთხვევის ადგილიდან მიიმალნენ.
შსს-ში აცხადებენ, რომ ორივე დაკავებული აღიარებს ჩადენილ დანაშაულს.
გამოძიება, უწყების ცნობითვე, ჯგუფურად რასობრივი დისკრიმინაციის ფაქტზე მიმდინარეობს (საქართველოს სსკ-ის 142-ე პრიმა მუხლის მე-3 ნაწილის „ა“ ქვეპუნქტით).
21 სექტემბერს Georgian Ultras ფეისბუქის გვერდზე გამოქვეყნდა ვიდეო, სადაც ჩანს, რომ მოქალაქეთა ჯგუფი, რომელიც საკუთარ თავს “ბერგმანს” უწოდებს, ქუჩაში უცხო ქვეყნის მოქალაქეებს ფიზიკურ შეურაცხყოფას აყენებს.
