ნეტგაზეთი | თურქმენეთში სიტყვა „კორონავირუსი“ არ აუკრძალავთ — RSF თურქმენეთში სიტყვა „კორონავირუსი“ არ აუკრძალავთ — RSF – Netgazeti
RU | GE  

თურქმენეთში სიტყვა „კორონავირუსი“ არ აუკრძალავთ — RSF

„რეპორტიორები საზღვრების გარეშე“ (RSF) აცხადებს, რომ მათ მიერ გავრცელებული ამბავი, რომლის თანახმადაც თურქმენეთში სიტყვა „კორონავირუსი“ აკრძალეს, სიმართლეს არ შეესაბამება. ორგანიზაციამ ამის შესახებ განცხადება „ტვიტერში“ გამოაქვეყნა.

იქამდე, 31 მარტს, ორგანიზაციამ თავის ვებ-გვერდზე გამოაქვეყნა ახალი ამბავი, რომ თურქმენეთში სიტყვა „კორონავირუსი აიკრძალა“.

„სტატიის წინა ვერსია, გამოქვეყნებული 31 მარტს RSF-ის ვებ-გვერდზე, სამწუხაროდ, დაფუძნებული იყო შეცდომაზე. თურქმენულ მედიაში სიტყვა „კორონავირუსი“ არ ყოფილა აკრძალული. ბოდიშს ვუხდით მკითხველს ამ შეცდომისთვის, რომელიც რაც შეიძლება მალე გასწორდა“, — აღნიშნულია განცხადებაში.

თურქმენეთში, ოფიციალური ინფორმაციით, კორონავირუსით დაავადების შემთხვევა არ დაფიქსირებულა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: realnikaburduli@gmail.com