ნეტგაზეთი | ინტერნეტის რეაქცია რუსეთში პუტინის ვადების განულებაზე ინტერნეტის რეაქცია რუსეთში პუტინის ვადების განულებაზე – Netgazeti

ინტერნეტის რეაქცია რუსეთში პუტინის ვადების განულებაზე

ცოტა ხნის წინ, რუსეთის სახელმწიფო დუმამ მიიღო დეპუტატ ვალენტინა ტერეშკოვას (წარსულში კოსომანვტი) მიერ ინიცირებული კანონპროექტი, რომლის თანახმადაც რუსეთის პრეზიდენტს – ვლადიმერ პუტინს პრეზიდენტის პოსტზე გატარებული ვადა უნულდება.

ამგვარად, პუტინი, რომელსაც მოქმედი კონსტიტუციის თანახმად 2024 წელს პოსტი უნდა დაეტოვებინა და კიდევ ერთხელ, მინიმუმ 2030 წლამდე კენჭს ვერ იყრიდა, 2024-ში შეძლებს ისევ გახდეს რუსეთის პირველი პირი, მინიმუმ ორი ვადით, ანუ კიდევ 12 წლით. პუტინი ამჟამად 67 წლისაა.

პუტინმა საკანონმდებლო ორგანოსთვის მიმართვისას განაცხადა, რომ ეწინააღმდეგებოდა ამ გადაწყვეტილებას, მაგრამ თუ საკონსტიტუციო სასამართლო ამ ინიციატივას კონსტიტუციის შესაბამისად მიიჩნევდა, ხოლო ხალხი რეფერენდუმზე მოიწონებდა, იგი ამ გადაწყვეტილებებს დაემორჩილებოდა.

რუსულ ინტერნეტ-სივრცეში ამ თემაზე მიმებისა და ხუმრობების შექმნა დაიწყეს – რომ აღარ დარჩა კატა, რომელიც მოესწრო იმ დროს, როცა რუსეთს პუტინი არ მართავდა (როგორც, სხვათა შორის, ამ სტატიის ავტორი), რომ წელთაღრიცხვას მალე პუტინის შობიდან დაიწყებენ და ა.შ. როგორც ცნობილია, კატები დაახლოებით 16 წლამდე ცოცხლობენ.

„ნეტგაზეთი“ მათგან საუკეთესოებს გთავაზობთ – ქართული თარგმანით:

უკრაინული ტვიტერიდან: პუტინი კორონავირუსის კარანტინის ქვეშაა და 2036 წლამდე კრემლში უნდა დარჩეს.

ვლადიმერ პუტინი სახელმწიფო დუმაში მისი საპრეზიდენტო ვადების გაუქმებაზე მსჯელობისას. ტილო, ზეთი, 2020 წელი.

სტუმარი მომავლიდან: – ახლა რომელი წელია?
შენ: – ის წელია, როცა სახელმწიფო დუმამ მხარი დაუჭირა საპრეზიდენტო ვადების განულებას და მასზე შეზღუდვების გაუქმებას
– აა, პირველი განულება?
– პირველი?!

კარანტინის გმამო პუტინს პრეზიდენტის თანამდებობის დატოვებას აუკრძალავენ

პუტინმა განაცხადა, რომ არაა წინააღმდეგი, მისი საპრეზიდენტო ვადები განულდეს.
ყველას, ვინც პრეზიდენტ პუტინის დროს დაიბადა, აქვს ყველა შანსი, პრეზიდენტ პუტინის დროს გარდაიცვალოს.

ნაკლებად ცნობილი ფაქტი: რუსეთში აღარ დარჩა კატა, რომელიც პუტინის დროს არ დაბადებულა.

სახელმწიფო დუმამ მხარი დაუჭირა იდეას, ქრისტეს შობიდან წლები განულდეს და ახალი წელთაღრიცხვა ვლადიმერ პუტინის შობიდან დაიწყოს.

 

სახელმწიფო დუმამ გაანულა საპრეზიდენტო ვადები იმ მოტივით, რომ „ასე ითხოვს ხალხი“.
შემდეგ, ვლადიმერ ვლადიმერის ძე კამერას მორცხვად შეხედა და განაცხადა, რომ „მოუწევს ხალხის ნებისთვის დამორჩილება“.
და მხოლოდ თვითონ ხალხი, საღამოს ტელევიზორის ყურებისას, გამო***ვდა თავისი მოთხოვნებისგან…

– მე ვეწინააღმდეგები ვადების განულებას
– თუ საკონსტიტუციო სასამართლო არ იტყვის, რომ ასე შეიძლება
– შეიძლება, შეიძლება))
– ნუ, მაშინ კარგი

როგორც ძველ რომში ამბობდნენ, გაანულე და იბატონე!

– შეიძლება, ქალი რუსეთის პრეზიდენტი გახდეს?
– არა, იმიტომ რომ მე ქალი არ ვარ

მოკლედ საპრეზიდენტო ვადების შესახებ

– ძველ მანქანას, როგორ ახალხს, რატომ ყიდის?
– გარბენი გაანულა


ვადების განულებას არ შევეშვებით
პუტინი 2088

ვლადიმერ პუტინის 18-წლიან მმართველობასთან დაკავშირებით აგრეთვე შეგიძლიათ გაეცნოთ რუსი დიზაინერის, ეგორ ჟგუნის მიერ შექმნილ ანიმაციას, რომელიც მან ინტერნეტში 2018 წლის საპრეზიდენტო არჩევნების (როცა პუტინი მეოთხე ვადით აირჩიეს) დროს განათავსა:

რუსეთში მიმდინარე მოვლენებზე გაეცანით „ნეტგაზეთის“ სტატიას:

რუსეთის დუმაში საპრეზიდენტო ვადებზე შეზღუდვის გაუქმებაზე მსჯელობენ

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com / მობ.: +995 597 14 88 31