ლუის ენრიკეს თქმით, მისთვის მნიშნელოვანი არ არის ის ფაქტი, რომ ბარსელონა ხვალინდელი მატჩის ფავორიტად მიიჩნევა.
“ჩემთვის ეს მნიშვნელოვანი არ არის. თქვენ თუ ასე ფიქრობთ ჩვენი პოტენციალიდან გამოდინარე კარგი, მაგრამ ჩემთვის მნიშვნელოვანია ის, რასაც ჩვენ მოედანზე გავაკეთებთ”, – განაცხადა ლუის ენრიკემ და დასძინა, რომ ხვალ ბარსელონა თბილისში გამარჯვებისთვის იბრძოლებს.
მან კომენტარი გააკეთა იმ ფაქტზე, რომ ტრავმის გამო ხვალინდელ მატჩი ნეიმარი და ხორდი ალბა ვერ ითამაშებენ. ლუის ენრიკეს თქმით, ტრავმა ფეხბურთი ჩვეულებრივი მოვლენაა, რასაც ყველა გუნდი უნდა შეეგუოს. მისი თქმით, ამ მხრივ პრობლემები მათ მეტოქესაც აწუხებს.
უეფას სუპერთასის მატჩი თბილისში ხვალ, 11 აგვისტოს გაიმართება ადგილობრივი დროით 22:45 საათზე, ერთმანეთს ჩემპიონათა ლიგის გამარჯვებული ბარსელონა და ევროპის ლიგის მფლობელი სევილია დაუპირისპირდებიან.
