ნეტგაზეთი | გაბაშვილი: კარბელაშვილს პოლიციამ პროვოკაცია მოუწყო გაბაშვილი: კარბელაშვილს პოლიციამ პროვოკაცია მოუწყო – Netgazeti
Batumelebi | RU

გაბაშვილი: კარბელაშვილს პოლიციამ პროვოკაცია მოუწყო

“ერთიანი ნაციონალური წევრის” გოკა გაბაშვილის განცხადებით, დეპუტატ გიორგი კარბელაშვილა პოლიციამ შეგნებული პროვოკაცია მოუწყო და ეს ფაქტი, როგორც გაბაშვილი ამბობს, სასწრაფოდ უნდა იყოს გამოძიებული. 

როგორც გაბაშვილი ჰყვება, გიორგი კარბელაშვილი იმყოფებოდა ომში დაღუპული გმირის, დავით ბლიაძის მოსახსენიებელ საღამოზე, სადაც იყვნენ მისი თანამებრძოლები, ოჯახის წევრები. 

 

“იქიდან კარბელაშვილი დავით ბლიაძის ბიძაშვილთან, ელგუჯა ბლიაძესთან ერთად წამოვოდა. მათ გზა გადაუღობა პოლიციამ. ეს არ იყო ჩვეულებრივი შემოწმება, ეს იყო დაგეგმილი პროვოკაცია. პოლიცია იყო აგრესიული, როგორც ჩანს, მათ იცოდნენ რომ ჩვენი დეპუტატი იმყოფებოდა ამ საღამოზე. პოლიციამ გამოიწვია კარბელაშვილთან და დაღუპულის ბიძაშვილთან შეხლა-შემოხლა, რის შემდეგაც ისინი დააკავეს. მათზე მოახდინეს ფიზიკური ზეწოლა, ძალადობა და მთელი ღამის განმავლობაში ვერ ვარკვევდით, რაში იყო საქმე. ვიცე-სპიკერი, გიორგი ბარამიძე იმყოფებოდა იქ, რომელიც არ შეუშვეს იქ ფიზიკურ-შეურაცხყოფამიყენებული მთელი ღამის განმავლობაში ჰყავდათ. ელგუჯა ბლიაძე ახლაც დაკავებულია. ეს არის აშკარა უფლებამოსილების გადამეტება. მოვითხოვთ ამ ფაქტის გამოძიებას, იმ ადამიანების დასჯას, ვინც ასე მოიქცა და ელგუჯა ბლიაძის სასწრაფო გათავისუფლებას”, – აცხადებს გიორგი გაბაშვილი. 

ნეტგაზეთის მასალების სხვა გამოცემებში გადაბეჭდვის წესი
ნინო კახიშვილი