ამერიკის შეერთებული შტატების სახელმწიფო მდივანი მაიკ პომპეო ტვიტერზე გმობს რუსეთის მხრიდან ქართულ სამთავრობო, ასევე მედიის, კერძო ორგანიზაციებისა და არასამთავრობოების ვებსაიტებზე 2019 წლის ოქტომბერში განხორციელებულ კიბერშეტევას.
“ჩვენ ვდგავართ საქართველოს გვერდით და ვგმობთ რუსეთის კიბერშეტევას საქართველოს მოსახლეობისა და ინსტიტუციების წინააღმდეგ. რუსეთმა დაუყონებლივ უნდა შეწყვიტოს მსგავსი ქმედებები საქართველოში და სხვაგანაც. კიბერსივრცის უსაფრთხოება დამოკიდებულია ყველა ქვეყნის პასუხისმგებლიან ქმედებებზე”, – წერს მაიკ პომპეო ტვიტერზე.
We stand with #Georgia in condemning Russia’s cyber attack against its people and institutions. Russia must immediately cease this behavior in Georgia and elsewhere. The stability of #cyberspace depends on the responsible behavior of all nations. https://t.co/4RnWrSOlBp
— Secretary Pompeo (@SecPompeo) February 20, 2020
საქართველოს საგარეო საქმეთა სამინისტრომ დღეს, 20 თებერვალს თქვა, რომ კიბერშეტევის უკან, რა დროსაც ათასობით ქართული ვებსაიტი გაითიშა, რუსეთი იდგა. საქართველოს მხარდამჭერი განცხადებები უკვე გაავრცელეს აშშ-ისა და დიდი ბრიტანეთის საელჩოებმა.
აღნიშნულ ფაქტთან დაკავშირებით განცხადებები გაავრცელეს ამერიკის შეერთებული შტატებისა და დიდი ბრიტანეთის საელჩოებმა საქართველოში. ორივე ქვეყანა გმობს რუსეთის მხრიდან განხორციელებულ ქმედებას.
კიბერშეტევა, რა დროსაც 2019 წელს ათასობით ქართული საიტი გაითიშა, რუსეთმა განახორციელა – საგარეო