ნეტგაზეთი | სიგარეტს თავს თუ დაანებებთ, ფილტვები მოწევით მიღებულ ზიანს აღადგენენ – კვლევა სიგარეტს თავს თუ დაანებებთ, ფილტვები მოწევით მიღებულ ზიანს აღადგენენ – კვლევა – Netgazeti

სიგარეტს თავს თუ დაანებებთ, ფილტვები მოწევით მიღებულ ზიანს აღადგენენ – კვლევა

ფილტვებს აქვთ „ჯადოსნური“ უნარი, აღადგინონ მოწევით მიღებული ზიანის ნაწილი, თუმცა, მხოლოდ იმ შემთხვევაში, თუ ადამიანი მოწევას თავს დაანებებს. BBC-ის ცნობით, ინფორმაციას ამის შესახებ მეცნიერები ჟურნალ „Nature“-ში აქვეყნებენ.

მოწევის შედეგად გამოწვეული ნეგატიური მუტაციები, რომლებიც ფილტვების კიბოს იწვევენ, აქამდე სამუდამოდ მიიჩნეოდა, თუმცა მეცნიერებმა აღმოაჩინეს, რომ სიგარეტისთვის თავის დანებების შემდეგ პოზიტიური ცვლილებები იმ მწეველებსაც კი დაუდგინდათ, ვინც აქამდე 40 წლის განმავლობაში დღეში 1 კოლოფს ეწეოდნენ.

მეცნიერების თქმით, მწეველთა სასუნთქი გზებიდან შესწავლილი უჯრედების აბსოლოტურმა უმრავლესობამ თამბაქოს ზეგავლენის შედეგად მუტაცია განიცადა, აგრეთვე უჯრედებში 10 000-მდე გენეტიკური ცვლილება დაფიქსირდა. თუმცა ის უჯრედები, რომლებიც თამბაქოს გადაურჩნენ, დროთა განმავლობაში ზიანის ნაწილს აღადგენენ. მეცნიერები აღნიშნავენ, რომ მოწევას თავდანებებული ადამიანების უჯრედების 40% იყო ანალოგიური ადამიანებისა, რომლებსაც არასდროს მოუწევიათ.

როგორც სანგერის ინსტიტუტის პროფესორმა, დოქტორ პიტერ კემპბელმა BBC-ს განუცხადა, ეს აღმოჩენა სრულიად მოულოდნელი იყო.

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com / მობ.: +995 597 14 88 31