ნეტგაზეთი | სიგარეტი გაძვირდა სიგარეტი გაძვირდა – Netgazeti

სიგარეტი გაძვირდა

მაღაზიებში აცხადებენ, რომ ფილტრიანი სიგარეტის ფასი ძირითადად 20 თეთრით, ცალკეული სახეობების ფასი კი 30 თეთრით გაიზარდა. მათივე განმარტებით, მომწოდებლებს მათთვის არ აუხსნიათ სიგარეტის კიდევ ერთხელ გაძვირების მიზეზი.

ამ დროის მონაცემებით 20 თეთრით გაძვირდა “პარლამენტი“, „ვინსტონი“  „მალბორო “, „ქამელი“ „L&M-ი“ , Philip Morris-ი“ და ასე შემდეგ.

2019 წლის ინვრის მონაცემებით, დღემდე საქართველოში ერთი კოლოფი ფილტრიანი სიგარეტი მინიმუმ ერთი ლარით გაძვირდა. ამის გამო მწეველთა ნაწილი ფილტრიანი სიგარეტიდან გასახვევ თამბაქოზე გადავიდა, რაც გაცილებით იაფია.

ფასების გაზრდა 2018 წლის ბოლოს საგადასახადო კოდექსში შესულმა ცვლილებებმა გამოიწვია, ამ ცვლილებით  1-ელი იანვრიდან იმპორტირებულ ფილტრიან სიგარეტზე ადვალური გადასახადი გაიზარდა. ეს ნიშნავს, რომ ცვლილების შედეგად კომპანიებს კოლოფის ღირებულების 10%-ის ნაცვლად სახელმწიფოსთვის 30%-ის გადახდა უწევთ. ცვლილების შემდეგ პროდუქტზე ფასი უკვე მესამედ გაიზარდა.

საქართველოს სტატისტიკის ეროვნული სამსახურის მონაცემებით, 2018 წელს საქართველოში 202 943 900 აშშ დოლარის ღირებულების თამბაქო და თამბაქოს ნაწარმია [სიგარეტი, სიგარა და სხვ.] შემოტანილი, რაც თითქმის ორჯერ მეტია 2017 წლის მაჩვენებელზე [113 390 900 აშშ დოლარი].

ხოლო გატანილია 160 567 700 აშშ დოლარის ღირებულების თამბაქო და თამბაქოს ნაწარმი, რაც თითქმის 3,5-ჯერ მეტია 2017 წლის ექსპორტთან შედარებით [47 033 200 აშშ დოლარი].

 

ნეტგაზეთის მასალების სხვა გამოცემებში გადაბეჭდვის წესი
ავტორი