ნეტგაზეთი | გრეტა ტუნბერგმა შოუს მონაწილის პატივსაცემად ტვიტერზე სახელი შეიცვალა გრეტა ტუნბერგმა შოუს მონაწილის პატივსაცემად ტვიტერზე სახელი შეიცვალა – Netgazeti
RU | GE  

გრეტა ტუნბერგმა შოუს მონაწილის პატივსაცემად ტვიტერზე სახელი შეიცვალა

გრეტა ტუნბერგმა Twitter-ში სახელი შეცვალა და შერონი დაირქვა. ეს აქტივისტმა სატელევიზიო შოუს მონაწილის პატივსაცემად გააკეთა, რომელმაც არ იცოდა, თუ ვინ იყო ტუნბერგი, წერს BBC.

ფოტოზე: გრეტა ტუნბერგის Twitter. ფოტო: BBC

BBC-ის გადაცემა Celebrity Mastermind-ში მონაწილეობისას მსახიობ ამანდა ჰენდერსონს თინეიჯერი კლიმატის ცვლილებასთან მებრძოლი აქტივისტის დასახელება სთხოვეს.

ჰენდერსონმა პასუხი არ იცოდა, გამოცნობა სცადა და „შერონი“ დაასახელა.

მისი პასუხისა და წამყვანის, ჯონ ჰამფრის ვიდეოს ამ მომენტისთვის ხუთ მილიონზე მეტი ნახვა აქვს.

ეს არაა პირველი შემთხვევა, როცა ტუნბერგი მომხდარ მოვლენებს Twitter-ზე ამგვარად ეხმაურება:

იქამდე, დონალდ ტრამპმა თვითერში ტუნბერგის წლის ადამიანად დასახელებას „სასაცილო“ უწოდა: „რა სასაცილოა. გრეტამ უნდა იმუშაოს თავისი გაბრაზების მენეჯმენტის პრობლემაზე, შემდეგ კი წავიდეს და ნახოს კარგი ძველებური ფილმი მეგობართან ერთად! გაერთე გრეტა, გაერთე!

ტუნბერგმა ტრამპის ტვიტს უპასუხა და ტვიტერში, ბიოგრაფიის ველში დაწერა: „თინეიჯერი, რომელიც მუშაობს გაბრაზების პრობლემის მენეჯმენტზე. ამჟამად ერთობა და უყურებს კარგ ძველებურ ფილმს მეგობართან ერთად“.

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: realnikaburduli@gmail.com