აქტივისტებმა “ოცნებასთან” სამგლოვიარო პროცესია გამართეს

მოძრაობა “სირცხვილიას” წევრებმა “ქართული ოცნების” ოფისთან სამგლოვიარო პროცესია გამართეს.  აქტივისტებმა “ოცნების” ოფისთან სამგლოვიარო გვირგვინიც მიიტანეს.

როგორც აქციის მონაწილეები ამბობენ, ისინი პატივს მიაგებენ  “გარდაცვლილ” ფეისბუკ-გვერდებს და ყალბ ანგარიშებს, რომლებიც ფეისბუკმა რამდენიემ დღის წინ წაშალა:

“ქართული ოცნების ცენტრალურ ოფისთან ჩვენი დღვანდელი სამგლოვიარო პროცესია ეძღვნება გარდაცვლილ ტროლ გვერდებს, რომლებიც რეალურად არ არსებობდა და ფეისბუკმა აღმოაჩინა, რომ ეს გვერდები ეწეოდნენ პროპაგანდას, წყალს ასხამენ რუსეთის წისქვილზე” ,- ამბობენ აქციის მოანწილეები.

Facebook-ის ინფორმაციით, საქართველოში 39 ანგარიში, 344 გვერდი და 13 ჯგუფი გააუქმეს, რადგან დაადგინეს, რომ ამ გვერდებს ყალბი ანგარიშის მქონე პირები იყენებდნენ.

Facebook: საქართველოს ხელისუფლებასთან დაკავშირებული ასობით გვერდი წავშალეთ

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.