კედელზე წებოვანი ლენტით მიკრული ბანანი – ეს არის არტ-ინსტალაცია მაურიციო კატელანისგან, რომელიც მაიამის ერთ-ერთ სახელოვნებო აუქციონზე 150 ათას აშშ დოლარად გაიყიდა. უკანასკნელი 15 წლის განმავლობაში, ეს პირველი ნაშრომია, რომელიც არტისტმა აუქციონზე გაიტანა.
ინსტალაციის შესახებ CNN წერს.
ნამუშევარს “კომიკოსი“ ჰქვია და სულ მისი 3 ვერსია არსებობს. ორი მათგანი უკვე გაყიდულია, მათი თავდაპირველი ფასი 120 ათასი აშშ დოლარი იყო. თავად ავტორის თქმით, მისი შემადგენელი ერთ-ერთი უმთავრესი ელემენტი – ბანანი, მან მაიამის ჩვეულებრივ სასურსათო მაღაზიაში იყიდა.
ინსტალაცია თავდაპირველად ემანუელ პეროტინის გალერეაში გამოფინეს, რომელიც ამბობს, რომ სკოტჩით მიკრული ბანანი გლობალური ვაჭრობისა, ორაზორვნებისა და “კლასიკური იუმორის სიმბოლოა“.
პოტენციურმა მყიდველებმა უნდა გაითვალისწინონ, რომ არ არსებობს რაიმე სახის ინსტრუქცია, თუ რა უნდა მოიმოქმედონ მათ მაშინ, როდესაც ბანანი დალპება.
გარეკანი ფოტო: