შსს–ს ინფორმაციით, დაკავებულმა ფალიაშვილის ქუჩაზე, ურთიერთშელაპარაკებისას, 16 წლის ბაჩანა ჭ. გულ-მკერდის არეში დანით დაჭრა და შემთხვევის ადგილიდან მიიმალა. დაჭრილი სასწრაფო სამედიცინო დახმარების ბრიგადამ საავადმყოფოში გადაიყვანა, მისი ჯანმრთელობის მდგომარეობა სტაბილურია.
შსს–ს ცნობით, სამართალდამცველებმა ბრალდებული მომხდარიდან რამდენიმე საათში დააკავეს.
გამოძიება საქართველოს სსკ-ს 118-ე მუხლის 1-ლი ნაწილით მიმდინარეობს, რაც ჯანმრთელობის განზრახ ნაკლებად მძიმე დაზიანებას გულისხმობს.
