“საქართველოს მთავრობამ უნდა იცოდეს, რომ აშშ-ის ოფიციალური პირები ახლოდან აკვირდებიან საქართველოში მიმდინარე პროცესებს”, – წერს თვითერზე ამნესტი ინტერნეიშენალის ერთ-ერთი ხელმძღვანელი პირი, დენიელ ბალსონი მას შემდეგ, რაც 26 ნოემბრის ღამეს თბილისში დემონსტრანტები სპეცრაზმმა წყლის ჭავლით დაშალა.
მისი პოსტის ადრესატები საქართველოს პრემიერ-მინისტრი გიორგი გახარია და აშშ-ში საქართველოს საელჩოა.
Gov’t officials in Georgia ?? like @GakhariaGiorgi, @GeorgianEmbassy, etc should know that U.S. gov’t officials are closely following events in Tbilisi. Just one example below.
How security services treat demonstrators will be noticed in Washington. https://t.co/Yx6BiODttj
— Daniel Balson (@EurasiaView) November 26, 2019
მას მაგალითად მოჰყავს ამერიკელი კონგრესმენის, ადამ კინზინგერის გამონათქვამი, რომელიც წერდა, რომ შოკირებულია საქართველოს პარლამენტის მიერ პროპორციული სისტემის ჩაგდებით.
წუხანდელი აქციის დაშლამდე რამდენიმე წუთით ადრე კი დენიელ ბალსონი წერდა:
“შეირაღებულმა ძალებმა პატივი უნდა სცენ დემონსტრანტების მშვიდობიანი შეკრების და გამოხატვის უფლებას”.
26 ნოემბერს, გამთენიისას სპეცრაზმმა წყლის ჭავლის გამოყენებით დაშალა აქციის მონაწილეები. აქციის დარბევისას დაშავდა ოთხი და დააკავეს 28 ადამიანი.
