“ხვალ, 15:00 საათზე, დანიშნული ბიუროს სხდომა არ ჩატარდება”, – განაცხადეს პარლამენტთან მიმდინარე აქციის ორგანიზატორებმა.

ერთ-ერთი მათგანის, ზუკა ბერძენიშვილის თქმით, საჭიროა, აქციის მონაწილეები დღეს და ხვალინდელი ღამის განმავლობაში დარჩნენ პარლამენტთან და განაგრძონ შენობის პიკეტირება, რათა პარლამენტში ხვალ დაგეგმილი ღონისძიებები არ შედგეს.

აქციის მონაწილეების მიერ პარლამენტის ყველა შესასვლელი პიკეტირებულია. ხვალ, 12:00 საათზე პარლამენტში ჩანიშნულია რეგიონული განვითარების კომიტეტის სხდომა, 15:00 საათზე კი – ბიუროს სხდომა.