მთავარი არხის ინფორმაციით, ახალქალაქში მომხდარ დაპირისპირებაში “ქართული ოცნების” დეპუტატის, ენზელ მკოიანის შვილი და ძმისშვილები მონაწილეობდნენ.
როგორც მედიასაშუალება აცხადებს, მკოიანის ვაჟი და ძმისშვილები ორი დღის წინ ერთ-ერთ ადგილობრივს დაუპირისპირდნენ და ფიზიკურად გაუსწორდნენ.
აღნიშნულის გადამოწმება “ნეტგაზეთმა” საქართველოს შინაგან საქმეთა სამინისტროში სცადა. უწყებაში ფაქტს ადასტურებენ და აცხადებენ, რომ გამოძიება სსსკ-ის 239-ე მუხლის მე-3 ნაწილით მიმდინარეობს (ხულიგნობა). შსს-ში ინციდენტის მონაწილე პირებს არ ასახელებენ და ამბობენ, რომ დეტალებს გამოძიება დაადგენს.
ამასთან, “ნეტგაზეთი” დეპუტატ ენზელ მკოიანთან დაკავშირებასაც ცდილობს. პასუხის მიღების შემთხვევაში სტატია განახლდება.