მან მუსლიმური რელიგიის წარმომადგენლებს წინასწარმეტყველ მუჰამედის დაბადებიდან 1443 წელი მიულოცა.
„საქართველოში ტრადიციად მკვიდრდება ის, რომ ქრისტიანები და მუსლიმები ულოცავენ ერთმანეთს წინასწარმეტყველ მუჰამედის დაბადების დღეს და ქრისტეს შობას. ეს არის ნიშანი იმისა, რომ ჩვენს ქვეყანაში არის სურვილი და შესაძლებლობა ვაშენოთ მშვიდობიანი საქართვლო. ჩვენ უნდა ვზეიმობდეთ იმ რელიგიური მრავალფეროვნებით, რომელიც საქართველოშია. მე ვამაყობ მათით. მათ თავიანთი წვლილი შეაქვთ ჩვენი ქვეყნის განვითარების საქმეში“ – თქვა მალხაზ სონღულაშვილმა.
