საქართველოს პრეზიდენტი სალომე ზურაბიშვილი შვილთან, ქეთევან გორჯესტანთან ერთად ტოკიოში იაპონიის იმპერატორის ნარუჰიტოს ტახტზე ასვლის ცერემონიას დაესწრო.
ინფორმაციას ამის შესახებ პრეზიდენტის ადმინისტრაცია ავრცელებს. ცერემონიას ასევე ესწრებოდა საქართველოს საქმეთა დროებითი რწმუნებული, საგანგებო და სრულუფლებიანი დესპანი იაპონიაში თეიმურაზ ლეჟავა.
ცერემონიაში 180 ქვეყნის 2 000-მა წარმომადგენელმა მიიღო მონაწილეობა. იაპონიამ 22 ოქტომბერი ეროვნულ დღესასწაულად გამოაცხადა.
საქართველოს პრეზიდენტი დღესვე დაესწრება იაპონიის იმპერატორის, მისი უმაღლესობა ნარუჰიტოს ტახტზე ასვლის აღსანიშნავად გამართულ საზეიმო მიღებას.
