გახარია: თურნავა ერთ-ერთი ყველაზე ძლიერი მინისტრია, სხვა ყველაფერი ჭორაობაა

საქართველოს პრემიერ-მინისტრი გიორგი გახარია ამბობს, რომ ნათია თურნავა მინისტრთა ამ კაბინეტის ერთ-ერთი ყველაზე ძლიერი მაღალჩინოსანია და მინისტრთა კაბინეტში შესაძლო ცვლილებებზე გავრცელებულ ინფორმაციას ჭორაობას უწოდებს:

“ნათია თურნავა არის ამ კაბინეტის ერთ-ერთი ყველაზე ძლიერი მინისტრი, სხვა ყველაფერი არის ჭორაობა და მის ცვლილებაზე საუბარი პოლიტიკური კონიუნქტურიდან მოგონილი ჭორებია. უნდა ვიცოდეთ, რომ ეს არის პოლიტიკური კონიუნქტურიდან მოგონილი ჭორები, რომელსაც ავრცელებენ”, – ამის შესახებ გახარიამ ეკონომიკისა და მდგრადი განვითარების სამინისტროს წარმომადგენლებთან სამუშაო შეხვედრისას განაცხადა.

რამდენიმე დღის წინ ტელეკომპანია “პირველმა” გაავრცელა ინფორმაცია, რომ შესაძლოა ნათია თურნავამ ეკონომიკის მინისტრის პოსტი დატოვოს.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.