მოძრაობა “ლელოს” დამფუძნებელი მამუკა ხაზარაძე ამბობს, რომ პოლიტიკიდან ბიზნესში არ დაბრუნდება. ხაზარაძის თქმით, აპირებს ქვეყანაში პოლიტიკური რეალობა შეცვალოს და განვითარების გზაზე დააყენოს.
“სასწაული რომ მოხდეს და ხელისუფლებამ თქვას, ანაკლიასაც ვაბრუნებთ… სად შეიძლება ვიყო მე? მე ბიზნესში არ დავბრუნდები არასდროს. სასწაული რომ მოხდეს, ქვეყანა ისეთ მდგომარეობაშია, მე არსად წასვლას არ ვაპირებ, არანაირი გარემოება არ მაიძულებს, დავუბრუნდე ბიზნესს. სანამ იმ ადამიანებთან ერთად, რომლებიც ყოველდღიურად გვემატებიან, არ შევცვლით რეალობას ამ ქვეყანაში, ვიქნები აქ”, – განაცხადა მამუკა ხაზარაძემ “მთავარი არხის” ეთერში.
