სახელმწიფო უსაფრთხოების სამსახურის ინფორმაციით, 24 სექტემბერს საოკუპაციო ხაზთან, ცხინვალის მიმართულებით რუსეთის საოკუპაციო ძალების მიერ უკანონო ფრენა დაფიქსირდა.
სუს-ში აცხადებენ, რომ მსგავსი ფაქტები ადგილზე არსებულ უსაფრთხოების გარემოს აზიანებს.
“აღნიშნულთან დაკავშირებით სახელმწიფო უსაფრთხოების სამსახურის მიერ გააქტიურდა „ცხელი ხაზი“ და ინფორმაცია მიეწოდა ჟენევის საერთაშორისო დისკუსიების თანათავმჯდომარეებს და ევროკავშირის სადამკვირვებლო მისიას (EUMM),”-აცხადებენ უწყებაში.