კომიტეტში უზენაესი სასამართლოს კანდიდატის მოსმენა კამათით დაიწყო

პარლამენტის იურიდიულ საკითხთა კომიტეტის სხდომა, სადაც დღეს უზენაესი სასამართლოს მოსამართლეობის კანდიდატების მოსმენა იწყება, კამათით გაიხსნა.

კომიტეტის თავმჯდომარე ანრი ოხანაშვილმა განაცხადა, რომ თითო კანდიდატთან ინტერვიუსთვის თითოეულ ფრაქციას 20 წუთი ექნება, ხოლო დამოუკიდებელ დეპუტატებს, ჯამში, (კითხვა/პასუხებისთვის) 40 წუთი. ოხანაშვილის თქმით, თუ ეს დრო საკმარისი არ იქნება, დეპუტატებს ინტერვიუს დაასრულებენ.

ეს საკითხი გააპროტესტა დამოუკიდებელმა დეპუტატმა ეკა ბესელიამ. მისი თქმით, პარლამენტში 11 დამოუკიდებელი დეპუტატია და ეს დრო მათ არ ეყოფათ. ეკა ბესელიას თქმით, მხოლოდ კითხვებისთვის მათ 1 საათი მაინც სჭირდებათ.

ანრი ოხანაშვილის თქმით, 1 კანდიდატზე, მათი აზრით, 1 სამუშაო დღე უნდა დაიხარჯოს. საბოლოოდ ოხანაშვილი ბესელიას შეთავაზებას დათანხმდა.

დღეს თამარ ალანიას მოუსმენენ. ალანიას პორფტოფლიოს შეგიძლიათ გაეცნოთ აქ.

უზენაესის მოსამართლეობის კანდიდატთა პორტფოლიოები – OSGF

 

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com