ოპერის მომღერალი ბადრი მაისურაძე განათლების, მეცნიერების, კულტურისა და სპორტის
მინისტრის, მიხეილ ბატიაშვილის პირველ მოადგილედ დაინიშნა. 2016 წლიდან მაისურაძე ოპერისა და ბალეტის სახელმწიფო თეატრის სამხატვრო ხელმძღვანელი იყო.

ბატიაშვილის ყოფილმა მოადგილემ მიხეილ გიორგაძემ თანამდებობა ივლისში დატოვა. როგორც გიორგაძემ Facebook-ზე დაწერა 5 წელი საჯარო სამსახურში საკმარისი დრო იყო და კერძო სექტორს უბრუნდება.